جموں کے قومی شاہراہ پر حادثہ، تین ہلاک

جموں و کشمیر کے ضلع ادھم پور سے دس کلو میٹر دور قومی شاہراہ سمرولی کے پاس گزشتہ دیر شب ایک بجے کے قریب ایک ٹرک حادثہ کا شکار ہوگیا۔

ضلع اودھم پور کے سمرولی گاؤں میں پیش آئے اس سڑک حادثے میں تین افراد ہلاک ہوئے ہیں جبکہ دیگر سات افراد کے زخمی ہونے کی اطلاع ہے۔

دراصل معاملہ یہ ہے کہ گزشتہ شب تقریباً دو بجے بکروال طبقہ کے چند افراد بھیڑ بکریوں سے لدا ہوا ٹرک شاہراہ سے لے کر جارہے تھے کہ اچانک ٹرک کا توازن بگڑ گیا اور تقریباً 200 فٹ گہری کھائی میں جاگرا۔

ہائی وے پر تعینات پولیس اہلکاروں نے واقعہ کی اطلاع ملتے ہی راحت کاری کام شروع کردیے اور مقامی لوگوں کی مدد سے زخمیوں اور لاشوں کو باہر نکال کر ضلع اسپتال میں داخل کرایا گیا۔

زخمیوں کی نازک حالت کو دیکھتے ہوئے انھیں جی ایم سی جموں ریفر کردیا گیا، فی الحال اس معاملے میں پولیس نے کیس درج کر تحقیقات شروع کردی ہے۔

واضح رہے کہ بکروال طبقہ کے لوگ گرمی کے موسم میں اپنے مویشیوں کے ساتھ پہاڑی علاقوں میں منتقل ہوجاتے ہیں اور سردیوں کے موسم میں یہ طبقہ اپنے ریوڑ کے ساتھ گرم علاقوں میں منتقل ہوجاتا ہے۔

لیکن اس حادثے میں ان کی درجنوں بھیڑ بکریاں ہلاک ہوئی ہیں جس کے سبب ان کا زبردست مالی نقصان ہوا ہے۔

موقع پر ادھم پور پولیس اور ایس بی آر ایف اسٹیٹ ڈیزاسٹر ریسکیو فورس پہنچ کر انہوں نے زخمیوں کو ٹرک سے باہر نکالا اور ضلع اسپتال میں انہیں داخل کرایا۔

باقی پولیس معاملے کی تفتیش کررہی ہے۔