اننت ناگ: نوجوانوں کی منفرد پہل

کورونا وائرس کے تناظر میں کئے گئے لاک ڈاون کو مکمل طورعملانے کے لیے ضلع اننت ناگ کے دیالگام علاقہ کے نوجوانوں نے رضاکارانہ طور ایک پہل شروع کی ہے۔

فٹبال کھیلنے کے شائقین نوجوانوں نے اپنے علاقہ کو کورونا وائرس کے خطرے سے محفوظ رکھنے کے لئے دیالگام کے علاقے کے داخلی اور خارجی راستوں پر گاڑی والوں، موٹر سائیکل سوار اور غیر مقامی افراد کی پوچھ گچھ کرتے ہیں۔

اس کے علاوہ غیر ضروری طور سفر کرنے والے افراد کو اپنے علاقے میں داخل ہونے سے منع کرتے ہیں۔

فٹبال کلب دیالگام سے وابستہ یہ نوجوان اپنے علاقہ میں موجود ضرورت مند لوگوں کو امداد بھی فراہم کرتے ہیں اورعلاقے میں سینٹائزیشن کی مہم بھی چلاتے ہیں۔

انہوں نے باقی نوجوانوں کو بھی اس طرح کی پہل شروع کرنے کی گزارش کی تاکہ اس مہلک وبا کو پھیلنے سے روکا جا سکے۔