محمکہ تعلیم کی جانب سے موسم سرما کی تیاریوں کا جائزہ

چیف ایجوکیشن افسر پلوامہ عبدالقیوم ندوی نے موسم سرما میں تمام اسکول کے سربراہان کو ہرممکن مدد کرنے کی یقین دہانی کراتے ہوئے بچوں کے لیے گرمی اور بجلی کے انتظامات کو یقینی بنانے کی ہدایت دیں۔ Meeting of Education Department in Pulwama

پلوامہ: چیف ایجوکیشن افسر پلوامہ عبدالقیوم ندوی نے ضلع پلوامہ کے سبھی اسکول کے سربراہان کی ایک میٹنگ کی صدارت کی، جہاں انہوں نے اسکولوں کے اندر سرما کے دوران کی گئی تیاریوں کا جائزہ لیا۔ میٹنگ میں سرما کے دوران کی گئی تیاریوں جیسے ہیٹنگ ارینجمنٹ، بجلی وغیرہ شامل ہیں۔ جب کہ میٹنگ کے دوران اسکول سربراہان نے اپنے اسکول کے اندر کمیوں کو اجاگر کیا، جن کو حل کرنے کے لئے چیف ایجوکیشن افیسر پلوامہ سے اپیل کی گئی۔

چیف ایجوکیشن افیسر پلوامہ نے اسکول سربراہان کو ہرممکن مدد کرنے کی یقین دہانی کروائی جبکہ اسکول سربراہان کو کہا گیا کہ وہ سرما کے دوران بچوں کے لئے گرمی اور بجلی کے انتظامات کو یقینی بنانے کے لئے سنجیدگی سے کام کریں تاکہ سرما کے دوران بچوں کو مشکلات کا سامنا نہ کرنا پڑے اور بچے بلا خلل تعلیم کے نور سے آراستہ ہوں۔

انہوں نے اسکول سربراہان پر زور دیا کہ وہ اپنے اپنے اسکول کا رپورٹ تیار کرلیں اور سرما کے دوران اسکولی سطح پر کئے گئے انتظامات کے حوالے سے آگاہ کریں، اگر انتظامات کے حوالے سے مزید امداد کی ضرورت ہوگی تو وہ دفتر سے رجوع کریں۔

اس موقع پر اس بات پر زور دیا گیا کہ وہ سبھی اسکول کے اندر تعلیمی جاری رکھیں جب تک ممکن ہو اور سرمائی تعطیلات سے قبل اسکول کو بند نہ کریں۔ انہوں نے اسکول سربراہان پر زور دیتے ہوئے کہا کہ بچوں کی حفاظت ان کا فرض ہے، جس کے لیے انہیں ہر ممکنہ قدم اٹھانے کی ضرورت ہے۔