ڈی سی بانڈی پورہ نے ضلع کے دور دراز علاقوں کا دورہ کیا

جموں کشمیر میں تازہ برفباری کے باوجود انتظامی امور کے عہدیدار مختلف علاقوں کا دورہ کرکے عوام کی کیفیت اور زمینی صورتحال کا جائزہ لے رہے ہیں۔ بانڈی پورہ کے ڈپٹی کمشنر ڈاکٹر اویس احمد نے تازہ برف باری کے باوجود بانڈی پورہ کہ دوردراز دیہی علاقوں کا دورہ کیا اور عوامی صورتحال سے واقفیت حاصل کی ۔

ڈی سی بانڈی پورہ نے اسنو کلیئرنس آپریشن اور ضروری خدمات کی فراہمی کی صورتحال کا معائنہ کرنے کیلئے ضلع کے کئی دور دراز دیہاتوں کا دورہ کیا۔

ڈی ڈی سی نے بانڈی پورہ کے چونتیمولا ، سملر ، ارین ، باپورہ ، چک ارسلان خان دیہات کا دورہ کیا اور بجلی کی فراہمی کے منظرناموں ، پینے کے صاف پانی کی دستیابی اور صحت عامہ کے مراکز میں دستیاب خدمات کا جائزہ لینے کے علاوہ برف صاف کرنے کے کاموں کا معائنہ کیا۔

ڈاکٹر اویس نے لوگوں سے ملاقات کی ۔تاکہ ان دور دراز دیہاتوں کے لوگوں کو ضروری خدمات کی فراہمی کے بارے میں رائے حاصل ہوں۔ اس موقع پر مقامی لوگوں نے گذشتہ ہفتے شدید برف باری کے دوران ضروری خدمات کی بحالی میں فیلڈ کے عہدیداروں کی کارکردگی پر اطمینان کا اظہار کیا۔

انہوں نے ڈی سی بانڈی پورہ کو بھی درپیش متعدد امور سے آگاہ کیا اور ان کی شکایات کا جلد ازالہ کرنے کامطالبہ کیا۔ مقامی لوگوں نے موسم کی خراب صورتحال کے دوران ڈی سی بانڈی پورہ تک پہنچنے پر ان کا شکریہ ادا کیا۔

ڈی ڈی سی نے پانی کی فراہمی اور بجلی کی بحالی کے علاوہ سڑکوں کو جلد صاف کرنے میں فیلڈ عملے کی کاوشوں کو سراہا۔