جموں میں لکڑی کے گودام میں آتشزدگی، تین ہلاک

جموں کے تلاب تلو علاقے میں تین منزلہ عمارت میں شدید آگ لگ جانے کے بعد عمارت منہدم ہوگئی جس کی وجہ سے فائر بریگیڈ کے تین اہلکار ہلاک ہوگئے۔

فائر اینڈ ایمرجنسی سروس کے ایک افسر نے کہا کہ آج علی الصبح تقریبا پانچ بجکر 15 منٹ پر تالاب تلو علاقے کے گول پُلی میں ایک لکڑی کے گودام میں آگ لگ گئی ۔ یہ آگ تیزی سے آس پاس رکھے ہوئی لکڑی میں پھیل گئی جس کی وجہ سے گودام کی تین منزلہ عمارت بھی منہدم ہو گئی ۔

انہوں نے کہا کہ عمارت کے گرنے سے فائر بریگیڈ کے تین اہلکار ہلاک ہوگئے اور کچھ اہلکار اب بھی عمارت میں پھنسے ہوئے ہیں ۔ اب تک فائر بریگیڈ کی 10 گاڑیوں کو جائے وقوعہ کی جانب روانہ کیا جا چکا ہے ۔

مزید تفصیلات کا انتظار ہے۔