جموں: این آر ایس میڈیکل کالج کے ڈاکٹرز کی حمایت میں احتجاج

مغربی بنگال کے دارالحکومت کولکاتا کے این آر ایس میڈیکل کالج میں علاج کے دوران 75 سالہ بزرگ شخص کی موت ہو گئی تھی، جس کے بعد اس شخص کے رشتہ داروں نے ڈاکٹروں پر لاپرواہی کا الزام لگاتے ہوئے دو جونیئر ڈاکٹرز کی پٹائی کر دی۔

تشدد آمیز ویڈیو سامنے آنے کے بعد ملک بھر میں ڈاکٹروں نے احتجاج کیا، اسی اثنا میں آج جموں کے میڈیکل کالج میں ڈاکٹروں نے مغربی بنگال کی حکومت کے خلاف احتجاج کیا اور متاثرہ ڈاکٹروں کو انصاف دینے کی مانگ کی۔

واضح رہے کہ انڈین میڈیکل ایسوسی ایشن نے آج صبح 6 بجے سے ڈاکٹروں کی ملک بھر میں ہڑتال کااعلان کیا تھا۔

ملک بھر کے سبھی ہسپتالوں میں 24 گھنٹوں کیلئے ایمرجنسی خدمات کے علاوہ متعدد سروسز کو بند رکھا گیا۔