کشمیر: کالج کے کلاس رومز طلبا سے خالی

کشمیر کے کمشنر بصیر احمد خان نے وادی کے کالجز میں بدھ کے روز درس وتدریس کا عمل بحال کرنے کا اعلان کیا تھا لیکن وہ اعلان بھی محض اعلان تک ہی محدود رہا کیونکہ کالجز میں تدرسی عملہ تو پہنچا لیکن کلاس رومز میں طلبا کہیں بھی نظر نہیں آئے۔

ای ٹی وی بھارت کی ٹیم نے جائزہ لینے کی غرض سے سرینگر کے مشہور ایس پی کالج میں داخل ہونے کی کوشش کی لیکن فورسز کی جانب سے انہیں اندر جانے کی اجازت نہیں دی گئی۔

فورسز کے مطابق کالج میں صرف کالج کے طلبا ہی جاسکتے ہیں۔

سرینگر کے وومنس کالج میں اگرچہ چند طلبا نظر آئے لیکن وہ صرف اپنا اسٹڈی مٹیریل لینے آئے تھے کیوںکہ طلبا کو موجودہ صورتحال کے مدنظر امتحانات کی تیاری گھر میں ہی کرنا پڑ رہی ہے۔'

طلبا کو کالج انتظامیہ کی جانب سے کہا گیا ہے کہ 'وہ روزانہ کالج آئیں لیکن موجودہ صورتحال کے سبب وہ روز کالج نہیں جاسکتے ہیں۔'

واضح رہے کہ جموں وکشمیر کو آئین ہند کی دفعہ 370 اور دفعہ 35 اے کے تحت حاصل خصوصی اختیارات کی منسوخی اور ریاست کو مرکز کے زیر انتظام دو علاقوں میں تبدیل کرنے کے بعد مسلسل 66 ویں روز بھی معمولات زندگی مفلوج ہے۔