شوپیان تصادم میں پانچ عسکریت پسند ہلاک

کشمیر زون کے انسپکٹر جنرل آف پولیس وجے کمار نے بتایا کہ 'آج صبح میں سرچ آپریشن کے دوران عسکریت پسندوں نے فائرنگ کی۔ فورسز نے اس کے جواب میں کارروائی کی جس میں پانچ عسکریت پسند ہلاک ہو گئے جن میں دو کمانڈر بھی شامل ہیں۔'

جنوبی کشمیر کے شوپیان ضلع کے ریبن امام صاحب علاقے میں فورسز اہلکاروں اور عسکریت پسندوں کے درمیان ہوئے انکاؤنٹر میں پانچ عسکریت پسند ہلاک ہوگئے۔

فورسز اہلکاروں کی ٹیم میں فوج کی 1 آر آر، سی آر پی ایف اور جموں و کشمیر پولیس شامل ہے، ریبن علاقے میں عسکریت پسندوں کے چھپے ہونے کی مصدقہ اطلاع ملنے کے بعد سکیورٹی اہلکاروں نے پورے علاقہ کو محاصرے میں لے کر تلاشی کارروائی کی۔

تلاشی کارروائیوں کے دوران فورسز اہلکار جب ایک رہائشی مکان کی طرف تلاشی کرنے کے غرض سے آگے بڑھنے لگے تو اس مکان میں چھپے عسکریت پسندوں نے فورسز اہلکاروں پر زبردست فائرنگ شروع کردی۔ فورسز اہلکاروں نے پوزیشن سنبھال کر جوابی کارروائی شروع کی جس میں پانچ عسکریت پسندوں ہلاک ہو گئے۔

کشمیر زون کے انسپکٹر جنرل آف پولیس وجے کمار نے بتایا کہ 'گزشتہ روز شوپیان کے سپرنٹنڈنٹ آف پولیس کو اطلاع موصول ہوئی کہ پانچ عسکریت پسند ریبن گاوں میں چھپے ہوئے ہیں جس کے بعد علاقے کو محاصرے میں لے لیا گیا۔'

کشمیر زون کے انسپکٹر جنرل آف پولیس وجے کمار نے بتایا کہ 'آج صبح میں سرچ آپریشن کے دوران عسکریت پسندوں نے فائرنگ کی۔ فورسز نے اس کے جواب میں کارروائی کی جس میں پانچ عسکریت پسند ہلاک ہو گئے جن میں دو کمانڈر بھی شامل ہیں۔

انکاونٹر شروع ہوتے ہی ضلع میں انٹرنیٹ خدمات کو معطل کردیا گیا۔ ادھر ضلع کولگام میں بھی موبائل انٹرنیٹ سروس بند کر دی گئی۔