بڈگام: ریچھ کے حملے میں 4 افراد زخمی

وسطی کشمیر کے ضلع بڈگام میں کھاگ علاقے کے شنگلی پورہ میں ریچھ کے حملے میں 4 افراد زخمی ہوگئے۔

شونگلی پورہ کھاگ میں آج دوپہر ایک ریچھ نے گھروں کے باہر کھڑے افراد پر حملہ کردیا جس کے نتیجہ میں 4 افراد زخمی ہوگئے جنہیں قریب میں واقع پبلک ہیلتھ سنٹر منتقل کیا گیا جہاں ان کا علاج کیا جبکہ یہاں کے ڈاکٹرز نے شدید زخمی دو افراد کو سرینگر کے ایس ایم ایچ ایس ہسپتال کو ریفر کیا ہے۔

بڈگام: ریچھ کے حملے میں 4 افراد زخمی

اطلاعات کے مطابق ریچ کے حملہ میں زخمی چاروں افراد کی حالت مستحکم ہے جبکہ زخمیوں کی شناخت منظور احمد شیخ، عبدالرشید خان، اشفاق احمد ملک اور سجاد احمد ملک کے طور پر کی گئی۔

واضح رہے کہ گھاک علاقہ میں اب تک ریچھ کے حملوں کے پانچ واقعات رونما ہوچکے جن میں ایک درجن سے زائد افراد زخمی ہوئے ہیں۔