جموں و کشمیر میں 30 افسران کا تبادلہ

جموں و کشمیر انتظامیہ نے 30 افسران کے تبادلے اور ان کے مختلف شعبہ جات میں فائز کرنے کا حکم دیا ہے۔

جموں و کشمیرکے جنرل ایڈمنسٹریشن ڈیپارٹمنٹ نے افسران کے تبادلے سے متعلق ایک حکم نامہ جاری کیا ہے۔

حکم نامے کے مطابق جموں میٹرو پولیٹن ریگولیٹری اتھارٹی کے ایڈیشنل چیف ایکزیکیٹو آفیسر، ماس ریپڈ ٹرانزٹ کارپوریشن کے ایم ڈی / سی ای او اور سرینگر میٹرو ریل ٹرانسپورٹ کارپوریشن کے ایم ڈی / سی ای او کمار راجیو رنجن اپنے فرائض کے علاوہ اب جموں ڈویلپمنٹ اتھارٹی کے وائس چیئرمین کا اضافی چارج بھی سنبھالیں گے۔

امت شرما کو جموں ایسوسی ایٹڈ ہسپتال میں ایڈمنسٹریٹر کے عہدے پر فائز کیا گیا ہے۔

جموں و کشمیر آبی وسائل ریگولیٹری اتھارٹی کے سکریٹری محمد اکبر وانی کو تبدیل کر کے جموں و کشمیر سروسز سلیکشن بورڈ کے رکن کے عہدے پر تعینات کیا گیا۔

محکمہ سوشل ویلفیئر کے خصوصی سکریٹری رفعت عارف کو کشمیر کے بطور ڈائریکٹر منتقلی کے احکامات کے تحت حکومت اور محکمہ سوشل ویلفیئر کے خصوصی سکریٹری کی حیثیت سے جاری رہیں گے۔

جموں و کشمیر سروسز سلیکشن بورڈ کے رکن ویوک شرما تبادلہ کر کے جموں محکمہ مویشی پالن کے ڈائرکٹر کی حیثیت سے تعینات کیا گیا۔

جموں ایسوسی ایٹڈ ہسپتال کی ایڈمنسٹریٹر سمیتا سیٹھی کو کمانڈر ایریا ڈویلپمنٹ کے ڈائریکٹر کے عہدے پر تعینات کیا گیا۔

محخمہ زراعت کے ڈائرکٹر پون سنگھ راٹھور کو تبدیل کر کے ہاسپٹیلٹی اور پروٹوکول ڈیپارٹمنٹ کا ایڈیشنل سیکرٹری تعینات کیا گیا۔

اس کے علاوہ انتظامیہ نے کئی دیگر افسران کے تبادلے اور ان کی مخلتف شعبہ جات میں تقرری کا حکم دیا ہے۔