کشمیر: سڑک حادثے میں زخمی دو خاتون ہلاک

جموں و کشمیر کے دارالحکومت سرینگر کے ڈل جھیل کے قریب تیز رفتار گاڑی کی زد میں آکر زخمی ہونے والی چار خواتین میں سے دو کی موت ہوگئی۔

پولیس اہلکار کے مطابق گزشتہ روز سرینگر کے ڈک پارک کے پاس سڑک حادثہ پیش آیا تھا۔

انہوں نے کہا کہ 'اس حادثے میں چار خواتین شدید طور پر زخمی ہوئی تھیں جن میں سے دو خواتین نے زخموں کی تاب نہ لاکر دم توڈ دیا۔ ہلاک شدہ خواتین کی شناخت عائشہ اور مسرت کے طور پر ہوئی ہے۔'

پولیس اہلکار نے کہا کہ 'ہٹ اینڈ رن کیس کو گھنٹوں میں ہی حل کر دیا گیا اور گاڑی کے ڈرائیور کو گرفتار کر لیا گیا ہے۔'

انہوں نے کہا کہ 'ڈرائیور کی شناخت مشتاق احمد شیخ کے طور پر ہوئی ہے۔'