وسطی کشمیر کے ضلع گاندربل کے بدرکنڈ علاقے میں ایک سڑک حادثہ پیش آیا جس کے نتیجے میں کم از کم 12 افراد زخمی ہوگئے۔
اطلاعات کے مطابق مسافروں کو لے جانے والی ایک منی بس نیشنل ہائی وے پر بدرکنڈ کے مقام میں حادثے کا شکار ہو گئی جس کے نتیجے میں کم از کم 12 افراد زخمی ہوگئے۔
مقامی افراد اور پولیس نے بچاؤ کارروائی کا آغاز کیا۔ اس دوران زخمی افراد کو علاج کے لئے ضلع اسپتال گاندربل منتقل کر دیا گیا۔
ایک سینئر پولیس عہدیدار نے بھی اس حادثے کی تصدیق کرتے ہوئے کہا ہے کہ ' 12 زخمیوں کو اسپتال میں داخل کرایا گیا ہے جہاں تین زخمیوں کی حالت تشویشناک بتائی جاتی ہے۔'