CM Service Helpline چیف منسٹر سروس ہیلپ لائن 1100 میں واٹس ایپ چیٹ بوٹ کی سہولت شامل کی جائے گی، سکھو

ریاستی حکومت ہنگامی خدمات کو چھوڑ کر تمام محکموں کی ہیلپ لائن خدمات کو مکھیہ منتری سیوا سنکلپ ہیلپ لائن سے جوڑنے کی سمت میں بھی کام کر رہی ہے۔ یہ قدم شہریوں کو بہتر خدمات فراہم کرے گا اور ان کے مسائل کو زیادہ موثر انداز میں پیش کرے گا۔

شملہ: ہماچل پردیش کے لوگوں کے لئے مکھیہ منتری سیوا سنکلپ ہیلپ لائن-1100 کو مزید قابل رسائی اور آسان بنانے کے لئے حکومت اس میں نئی سہولیات شامل کرکے اسے مضبوط بنائے گی۔ وزیر اعلیٰ ٹھاکر سکھوندر سنگھ سکھو نے محکمہ انفارمیشن ٹیکنالوجی کو ہیلپ لائن کے لیے ایک واٹس ایپ چیٹ بوٹ تیار کرنے کی ہدایت کی ہے۔ اس سے شہریوں کو ان کی شکایات کے بارے میں تازہ ترین معلومات فراہم کرنے، فیڈ بیک فراہم کرنے، کال بیک کی درخواست کرنے اور نئی شکایات کے اندراج کے لیے بہتر رسائی فراہم ہوگی۔شکایت سے متعلق خصوصیات کے علاوہ، واٹس ایپ چیٹ بوٹ مختلف سرکاری اسکیموں کے بارے میں ہندی اور انگریزی دونوں زبانوں میں معلومات بھی فراہم کرے گا۔

وزیر اعلیٰ نے کہا کہ ریاستی حکومت شکایات کو تیزی سے نمٹانے اور ریاست کے لوگوں کو مزید سہولیات فراہم کرنے کے لیے اپنے کام میں بڑے پیمانے پر ٹیکنالوجی کو شامل کرنے کا منصوبہ بنا رہی ہے۔ انہوں نے کہا کہ واٹس ایپ چیٹ بوٹ کی ترقی پہلے ہی شروع ہو چکی ہے اور اس نئے فیچر سے مکھیہ منتری سیوا سنکلپ ہیلپ لائن-1100 کی کارکردگی اور رسائی میں نمایاں اضافہ ہونے کی امید ہے، جس سے شہریوں کو معلومات حاصل کرنے اور اپنی شکایات کا حل مزید آسان ہوجائے گا۔

وہیں ریاستی حکومت ہنگامی خدمات کو چھوڑ کر تمام محکموں کی ہیلپ لائن خدمات کو مکھیہ منتری سیوا سنکلپ ہیلپ لائن سے جوڑنے کی سمت میں بھی کام کر رہی ہے۔ یہ قدم شہریوں کو بہتر خدمات فراہم کرے گا اور ان کے مسائل کو زیادہ موثر انداز میں پیش کرے گا۔ اس کے علاوہ ہیلپ لائن کا استعمال بے سہارا مویشیوں کی نگرانی کی لئے بھی کیا جائے گا۔ اس کے لئے آئی ٹی ڈپارٹمنٹ نے ایک موبائل ایپلیکیشن تیار کیا ہے۔ اس سے صارف کوبے سہارا مویشیوں کی تصاویر لینے اور ان کے مقام وغیرہ کے بارے میں معلومات حاصل ہوسکے گی۔ اس میں موصول ہونے والی معلومات کو مقامی حکام کے ساتھ شیئر کیا جائے گا، جو اسے ان جانوروں کی شناخت اور مناسب کارروائی کرنے کے لیے استعمال کر سکتے ہیں۔ ایپلی کیشن میں جی پی ایس ٹریکنگ، جیو ٹیگنگ اور پش نوٹیفیکیشن جیسی خصوصیات شامل ہوں گی۔ اس سے افسران کی سطح پر بھی فوری کارروائی کو یقینی بنایا جائے گا۔ سکھو نے کہا کہ یہ اقدامات ریاست کے لوگوں کے لئے سرکاری خدمات میں بہتری اور اہم مسائل کے حل کے لئے ریاستی حکومت کے عزم کی عکاسی کرتے ہیں۔

یو این آئی