کار حادثے میں نائب پردھان سمیت دولوگوں کی موت

ہماچل پردیش کے ضلع منڈی میں سنتھول راستے پر دیر رات کار حادثے میں دو لوگوں کی موت ہوگئی،یہ حادثہ میوہ - چکیانا کے پاس پیش آیا۔

حادثے کے وقت کار میں دو لوگ سوار تھے۔ پولیس نے مرنے والوں کی شناخت دھوالی پنچایت کے نائب پردھان ششی کمار کے بیٹے پرکاش چند (41)اورجیون کمار عرف جگنو کے بیٹے کاشی رام کے طورپر کی ہے۔ کار حادثے کا پتہ آج صبح چلا جب کچھ نوجوان ان کی تلاش میں جائے و قوع پر پہنچے۔ دونوں کار کے اندر بری طرح سے زخمی حالت میں ملے۔ نوجوانوں نے دونوں کو کار کے شیشے توڑ کر باہرنکالا۔

ڈی ایس پی سرکاگھاٹ چندر پال نے حادثے کی تصدیق کی ہے۔ انہوں نے بتایا کہ پولیس نے لاش کو قبضے میں لے کر پوسٹ مارٹم کے لیے بھیج دیا ہے اور حادثے کی وجوہات کی تفتیش کی جارہی ہے۔