شملہ: اسکول بس حادثہ کا شکار،تین ہلاک

ہماچل پردیش کے دارالحکومت شملہ میں آج صبح اسکول بس کھائی میں گرجانے کے سبب بس ڈرائیور سمیت تین لوگوں کی موت ہو گئی جس میں دو بچے بھی شامل ہیں۔

شملہ کے جھنجھری سے گزرنے والی اسکول بس اچانک کھائی میں جاگری۔ بس ڈرائیور کی موقع پر ہی موت ہو گئی جبکہ دوبچوں نے ہسپتال لے جاتے وقت راستے میں دم توڑا وہیں دیگر چھ بچوں سمیت بس کنڈکٹر کی حالت نازک بتائی گئی ہے۔

شملہ اسکول بس حادثہ میں تین کی موت

بس حادثے میں ابتک بشمول بس ڈرائیور 3 موتیں ہو گئی ہیں جب کہ 6 طلباء اور کنڈکٹر کی حالت بے حد سنگین بتائی جا رہی ہے،جنھیں آئی۔جی۔ایم۔سی۔ میں علاج کے لئے داخل کرایا گیا ہے۔بچوں کے والدین انکا حال جاننے کے لئے آئی۔جی۔ایم۔سی۔ پہنچ رہے ہیں۔
وزیر تعلیم سریش بھاردواج بھی آئی۔جی۔ایم۔سی۔ پہنچ گئے ہیں۔

شملہ کے ڈی سی امت کشیپ نے بھی جائے وقوع پرپہنچ کر حالات کاجائزہ لیا۔ اس کے فوراً بعد وہ آ ئی جی ایم سی ہسپتال پہنچے زخمیوں کے بارے میں معلومات حاصل کی۔