سنجے کندو، ہماچل پردیش کے ڈی جی پی مقرر

ہماچل پردیش کے وزیراعلیٰ جئے رام ٹھاکر کے پرنسپل سکریٹری سنجے کندو کو ریاست کا نیا ڈی جی پی مقرر کیا گیا ہے۔

ریاست ہماچل پردیش کے چیف سکریٹری نے بتایا کہ ہماچل پردیش کے وزیراعلیٰ جئے رام ٹھاکر کے پرنسپل سکریٹری سنجے کندو کو ہفتے کے روز ریاستی پولیس محکمہ کا ڈائریکٹر جنرل مقرر کیا گیا ہے۔

1989 بیچ کے آئی پی ایس آفیسر سنجے کندو 31 مئی کو ریٹائر ہونے والے سیتا رام مردی کی جگہ لینے جا رہے ہیں۔

چیف سکریٹری نے اپنے حکم میں بتایا کہ سنجے کندو ہفتہ کو ہی چارج سنبھالیں گے کیونکہ 31 مئی کو اتوار کے روز تعطیل ہوگی۔