ہماچل: سیاحوں و مسافروں کے لیے روہتانگ پاس دوبارہ کھلا

ہماچل پردیش کے روہتانگ پاس کو تین ہفتے بعد مسافروں و سیاحوں کے لیے دوبارہ کھول دیا گیا ہے، بی آر او مشینوں کے ذریعے یہاں پانچ فٹ موٹی برف کی تہوں کو کاٹ کر گاڑیوں کے لیے راستہ بنایا ہے۔

آج گاڑیوں کو لاہول اور منالی کی جانب سے آنے جانے کی اجازت مل سکتی ہے وہیں لاہول وادی میں پھنسے لوگ اب روہتانگ ہوتے ہوئے کلو-منالی پہنچ سکیں گے اور وادی میں پھنسی سیب کے تقریباً 500 پیٹیوں کو بھی باہر نکالا جائے گا۔

گزشتہ تین ہفتے سے بند روہتانگ پاس گزشتہ روز سے دوبارہ بحال کردیا گیا ہے۔ بی آر او نے سات دنوں کی سخت مشقت کے بعد روہتانگ پاس پر جمی برف کاٹ کر راستہ صاف کیا ہے۔

بی آر او نے اس خون منجمد کردینے والی سردی اور برفیلی ہواؤں سے مقابلہ کرتے ہوئے راستے پر جمی پانچ فٹ موٹی برف کی تہہ کو ہٹایا ہے اور اس گزشتہ ماہ سے اب تک بی آر او اس راستے کو چار مرتبہ صاف کرچکا ہے۔

اس وقت کوکسر اور مڑھی میں درجۂ حرارت منفی بتایا جارہا ہے جس کے بعد روہتانگ پاس بحال ہونے سے انتظامیہ کی مشکل اور بڑھ گئی ہے۔کوکسر اور مڑھی میں تعینات ریسکیو پوسٹ کے جوانوں کو بھی اب کافی مستعد رہنا ہوگا۔