ریاست ہماچل کے سرمائی دارالحکومت شملہ میں تکنیکی وزیر تعلیم ڈاکٹر رام لال مارکنڈا نے کہا کہ اٹل روہتنگ ٹنل کے افتتاح کے حوالے سے قبائلی ضلع کے عوام بے حد خوش ہیں، کیوں کہ عوام دو دہائیوں سے اس ٹنل کا انتظار کر رہے تھے۔
واضح رہے کہ اب یہ خواب نریندر مودی کی حکومت کے دور میں پورا ہورہا ہے، پورے ہماچل اور خاص کر لاہول میں اس ٹنل کے پیش نظر ایک طرح سے جشن کا ماحول ہے۔
وزیراعظم 'اٹل روہتنگ ٹنل' کا افتتاح کریں گے برف بالی کی وجہ سے ہماچل کے قبائلی ضلع لاہول اسپتی کی تصویر بدلنے والی ہے کیوں کہ جو علاقہ ملک کے باقی حصوں سے چھ ماہ تک منقطع رہتا ہے وہاں اب ایسا نہیں ہوگا، تاہم نیز اٹل ٹنل بھارتی فوج کے لیے بھی اعزاز ثابت ہوگا۔
خیال رہے کہ بھارت رتن سابق وزیراعظم اٹل بہاری واجپئی نے دو عشروں قبل جو خواب دیکھا تھا وہ نریندر مودی حکومت کے دور اقتدار میں پورا ہونے جارہا ہے۔
واضح رہے کہ اٹل روہتنگ ٹنل کا افتتاح تین اکتوبر کو وزیراعظم نریندر مودی کے ذریعے کیا جائے گا۔
اس کے افتتاح کے موقع پر پورے ہماچل اور خاص کر لاہول اسپیٹی میں ایک تہوار کا ماحول ہے۔
ہماچل پردیش کے تکنیکی وزیر تعلیم ڈاکٹر رام لال مارکنڈا نے ای ٹی وی بھارت کو بتایا کہ وزیراعظم 'اٹل روہتنگ ٹنل' کا افتتاح تین اکتوبر کو کریں گے انہوں نے کہا کہ وزیراعظم نریندر مودی کے استقبال کے لیے تمام تیاریاں مکمل کرلی گئیں ہیں۔ ایس پی جی ٹیم نے سکیورٹی کے تمام انتظامات کا جائزہ لیا ہے اور اپنے انداز میں سکیورٹی پلان تیار کیا ہے۔
ہماچل حکومت نے ویڈیو کانفرنسنگ کے ذریعے تمام تیاریوں کے سلسلے میں وزیراعظم نریندر مودی سے بھی بات کی ہے اور پی ایم مودی کو تمام تیاریوں سے آگاہ کردیا گیا ہے۔
ایسا مانا جارہا ہے کہ روایتی انداز میں لاہول میں وزیراعظم نریندر مودی کا استقبال کیا جائے گا۔
ہماچل حکومت کے تکنیکی وزیر تعلیم ڈاکٹر رام لال مارکنڈا نے نے بتایا کہ قبائلی ضلع کے لوگوں کے لیے اب انتظار ختم ہونے والا ہے۔
انہوں نے کہا کہ سابق وزیراعظم اٹل بہاری واجپئی نے اس پروجیکٹ کی بنیاد جون سنہ 2000 میں رکھی تھی۔
