نئی دہلی: وزیر اعظم نریندر مودی نے ہفتہ کو ہماچل پردیش کے ووٹروں سے جمہوریت کے تہوار میں پورے جوش و خروش کے ساتھ حصہ لینے کی اپیل کی ہے۔ مودی نے ٹویٹ میں کہا "آج ہماچل پردیش کی تمام اسمبلی سیٹوں کے لیے پولنگ کا دن ہے۔ میں دیو بھومی کے تمام ووٹروں سے پورے جوش و خروش کے ساتھ جمہوریت کے تہوار میں حصہ لینے اور نیا ریکارڈ بنانے کی گزارش کرتا ہوں‘‘۔ وزیراعظم نے ان نوجوان ووٹرز کو بھی مبارکباد دی جو پہلی بار اپنا حق رائے دہی استعمال کریں گے۔ انہوں نے کہا اس موقع پر پہلی بار ووٹنگ کرنےوالے ریاست کے ان تمام نوجوانوں کو میری خصوصی مبارکباد‘‘۔ Himachal Pradesh Assembly Elections 2022
ہماچل پردیش کے 68 اسمبلی حلقوں میں 55 لاکھ سے زیادہ ووٹر ووٹ ڈالیں گے۔ نتائج کا اعلان 8 دسمبر کو کیا جائے گا۔ مرکزی وزیر داخلہ امت شاہ نے بھی ووٹروں سے بڑی تعداد میں ووٹنگ کرکے مضبوط حکومت منتخب کرنے کی اپیل کی ہے۔ وزیر اعلیٰ جے رام ٹھاکر نے بھی ریاست کے لوگوں سے پورے جوش و خروش کے ساتھ ووٹنگ کے عمل میں حصہ لینے کی اپیل کی ہے۔