قرنطینہ سے فرار شخص کو پولیس نے حراست میں لیا

کلو پولیس نے ایک نوجوان کو حراست میں لیا ہے جو لارجی کے منڈی گوردوارہ میں قرنطینہ سے فرار ہوگیا تھا۔ نوجوان کے خلاف کارروائی کے بعد اسے قرنطینہ میں رکھا گیا ہے۔

ریاست ہماچل پردیش کے کلو انتظامیہ کی جانب سے کچھ عرصہ سے محکمہ صحت کی نگرانی میں کورونا وائرس کے مشتبہ افراد کو قرنطینہ میں رکھا جارہا ہے۔ کچھ مشتبہ افراد نگرانی سے بچنے کی کوشش کر رہے ہیں جو اپنی اور دوسروں کی جان کو خطرہ میں ڈال رہے ہیں۔

تازہ ترین کیس ضلع منڈی سے آیا ہے۔ جہاں ایک نوجوان قرنطینہ سے فرار ہو گیا تھا۔ فرار نوجوان کو کلو پولیس نے گرفتار کر لیا ہے۔ پولیس نے نوجوان کے خلاف مقدمہ درج کرلیا ہے۔

ایس پی کلو گورو سنگھ نے بتایا کہ درگا دت نامی نوجوان کو اس کے پانچ ساتھیوں کے ساتھ ضلع منڈی کے گرودوارا میں قرنطینہ میں رکھا گیا تھا لیکن درگا دت وہاں سے فرار ہو گیا تھا۔

جس کے بعد کلو پولیس کی ٹیم نے اسے پکڑ لیا ہے اور اس کے خلاف کارروائی کر قرنطین پر رکھا گیا ہے۔