دھرم شالہ: بی جے پی رکن اسمبلی کی اہلیہ نے شوہر پر مار پیٹ کا الزام لگایا

ہماچل پردیش میں بی جے پی کے رکن اسمبلی وشال نِہریہ پر ان کی اہلیہ نے جسمانی اور ذہنی اذیت دینے کا الزام عائد کیا ہے۔

ریاست ہماچل پردیش میں برسر اقتدار بی جے پی کے رکن اسمبلی وشال نِہریہ پر ان کی اہلیہ اوشین شرما نے جسمانی اور ذہنی اذیت کا الزام عائد کیا ہے۔ سوشل میڈیا پر وائرل ہونے والی ایک ویڈیو میں ان کی اہلیہ اوشین شرما نے بتایا ہے کہ 'ان کے شوہر نے انہیں تین دفعہ تھپڑ بھی مارا۔

سوشل میڈیا پر وائرل ہونے والی ویڈیو میں اوشین شرما نے الزام لگایا ہے کہ 'دھرمشالہ کے رکن اسمبلی ان کے شوہر نے جمعرات کے روز انہیں تین بار تھپڑ مارا۔ انہوں نے ویڈیو میں یہ بھی الزام لگایا کہ 'ماضی میں بھی کئی مرتبہ نِہریہ نے انہیں جسمانی اور ذہنی اذیت کا نشانہ بنایا۔

واضح رہے کہ 'اس سال 26 اپریل کو وشال نِہریہ اور اوشین شرما کی شادی ہوئی تھی۔ جمعرات کو ہونے والے مبینہ واقعے کے بعد اوشین شرما اپنے مائکے لوٹ گئیں۔

اوشین نے الزام لگایا کہ 'شادی سے پہلے بھی نِہریہ نے ان کے ساتھ چندی گڑھ میں مار پیٹ کی تھی۔ ویڈیو میں نِہریہ کی اہلیہ کا کہنا ہے کہ 'انہوں نے پولیس سے بھی اس معاملے کی شکایت کی ہے۔'