ہماچل پردیش کے سابق وزیراعلیٰ اور کانگریس پارٹی کے رہنما ویربھدرا سنگھ کا 87 سال کی عمر میں انتقال ہوگیا ہے، وہ طویل عرصہ سے شملہ کے اندرا گاندھی میڈیکل کالج اینڈ اسپتال میں زیر علاج تھے جہاں آج ان کا انتقال ہوگیا۔
مزید پڑھیں: ہماچل پردیش میں کورونا کے 143 نئے کیسز، 169 افراد صحتیاب
ویربھدرا سنگھ 30 اپریل سے آئی جی ایم سی میں زیرِ علاج تھے۔ 10 جون کو ان کی کورونا رپورٹ ایک بار پھر مثبت آگئی۔ جس کے بعد ان کو عارضی طور پر اسپتال میں داخل کرایا گیا تھا، لیکن پچھلے ہفتے ان کی رپورٹ بہتر آنے کے بعد انہیں خصوصی وارڈ میں رکھا گیا تھا۔
پیر سے ویربھدرا سنگھ کی حالت خراب ہوگئی تھی جس کے بعد ان کو محکمہ امراضِ قلب کے ڈاکٹروں کی نگرانی میں رکھا گیا تھا۔ سانس لینے میں دشواری کے باعث انہیں وینٹی لیٹر پر منتقل کردیا گیا تھا۔
واضح رہے کہ بی جے پی کے قومی صدر جے پی نڈا، وزیر اعلیٰ جئے رام ٹھاکر سمیت متعدد وزراء اور قائدین بھی ویربھدرا سنگھ کی خیریت دریافت کرنے آئی جی ایم سی پہنچ گئے تھے۔
