FIR Against two Youth ہمیر پور میں فلسطین کی حمایت میں پوسٹ لکھنے پر دو نوجوانوں کے خلاف ایف آئی آر درج

ان دنوں اسرائیل اور فلسطین کے درمیان ایک شدید جنگ جاری ہے۔ اسی ضمن میں ہماچل پردیش کے ہمیر پور کے ایک نوجوان نے فلسطین کی حمایت میں سوشل میڈیا پر ایک پوسٹ لکھی، جس پر پولیس نے نوجوان کے خلاف ایف آئی آر درج کیا ہے۔ FIR for writing a post in support of Palestine in Hamirpur

ہمیر پور: اسرائیل اور فلسطین کے درمیان جاری جنگ کو لیکر صوبہ ہماچل پردیش کے ہمیر پور ضلع کے مودہا قصبے کے دو نوجوانوں نے انسٹاگرام پر فلسطین کی حمایت میں ایک پوسٹ لکھی۔ پولیس نے ان دونوں نوجوانوں کے خلاف ایف آئی آر درج کرلی۔ اس کے ساتھ ہی پولیس نے کسی بھی ناخوشگوار صورت حال سے نمٹنے کے لیے علاقے میں پریڈ مارچ کیا۔

مودہا کوتوالی میں تعینات انسپکٹر روی مہتا کی طرف سے دی گئی تحریر بیان میں کہا گیا کہ قصبہ کے حیدریہ محلہ کے رہنے والے عاطف چودھری نے انسٹاگرام پر ایک پرائیویٹ اکاؤنٹ بنایا تھا۔ پروفائل فوٹو میں 'آئی اسٹینڈ وتھ فلسطین' لکھا ہوا تھا۔ اس اکاؤنٹ سے 8 اکتوبر کی شب فلسطین کی حمایت میں پوسٹیں کی گئیں۔

12 اکتوبر کو سہیل انصاری نام کے نوجوان کے واٹس ایپ اسٹیٹس سے فلسطین حمایت میں پیغام ارسال کیے گیے تھے۔ وہاں کے لوگوں کا الزام ہے کہ اس کی وجہ سے قصبے کی مذہبی اور سماجی ہم آہنگی کو بگاڑنے کی کوشش کی گئی تھی۔ دوسری طرف لوگوں میں اس حوالے سے غم و غصہ پہلے سے ہی تھا۔

امن کی خلاف ورزی کے خدشے کے پیش نظر پولیس نے اس معاملے میں عاطف چوہدری اور سہیل صدیقی کے خلاف مقدمہ درج کرکے تفتیش شروع کردی ہے۔ اس کے ساتھ ہی ضلع میں امن برقرار رکھنے کے لیے پولیس نے ربڑ کی گولیوں، آنسو گیس کے شیل، اینٹی رائٹ ٹیئر گیس گن وغیرہ کے ساتھ مشق کیا۔ اس مشق کا مقصد کسی بھی کشیدگی سے نمٹنا ہے۔