انوشکا شرما کو بیسٹ کیڈیٹ ایوارڈ

ہماچل پردیش کی بیٹی نے ایک بار پھر صوبے کا نام روشن کیا ہے۔ انوشکا شرما نے 71 ویں یوم جمہوریہ کی تقریب میں این سی سی جونیئر ونگ کی کمان سنبھالتے ہوئے قومی سطح پر سب سے بہترین کیڈٹ (بحریہ) مقابلے میں پہلا مقام حاصل کیا ہے۔

انوشکا شرما کو وزیر اعظم مودی نے گولڈ میڈل دیا۔

ضلع اونا کے جواہر نوویدے ودیالے پیکھوبیلا کی نویں جماعت کی طالبہ انوشکا شرما کو بیسٹ کیڈیٹ ایوارڈ سے نوازا گیا ہے۔ انوشکا شرما نے قومی سطح پر سب سے بہترین کیڈٹ مقابلے میں پہلا مقام حاصل کیا۔

انوشکا شرما کی سائنس مضمون میں خاصی دلچسپی ہے۔ اسی کے چلتے رواں برس ان کا انتخاب راشٹریہ بال وگیان کے لیے بھی ہوا تھا۔ انوشکا کے گولڈ میڈل اور بیسٹ کیڈیت کے ایوارڈ ملنے سے اسکول میں کافی خوشی کا ماحول ہے۔

وہیں، انوشکا کے دوست نے بتایا کہ اس نے اسکول کے ساتھ۔ ساتھ صوبے کا بھی نام روشن کیا ہے۔ انوشکا پڑھائی میں بھی بہت آگے ہے اور لگاتار آگے بڑھ رہی ہے اور ہم بھی اسی طرح بننا چاہتے ہیں۔