آچاریہ کے بعد کلراج مشرا ہماچل کے نئے گورنر

بھارتیہ جنتا پارٹی کے سینئر لیڈر اور سابق مرکزی وزیر کلراج مشرا کو ہماچل پردیش کا نیا گورنر مقرر کیا گیا ۔

راشٹرپتی بھون کی جانب سے ایک بیان کےمطابق صدر رام ناتھ کووند نے آچاریہ دیو برت کو ہماچل پردیش سے منتقل کرکے گجرات کا گورنر مقرر کیا گیا ہے اور مسٹر کلراج مشرا کو ان کی جگہ پر ہماچل پردیش کا گورنر بنایا گیا ہے۔
آچاریہ دیو برت اور مسٹر مشرا دونوں کی ہی تقرری ان کے ذمہ داری سنبھالنے کی تاریخ سے مانی جائے گی۔
مسٹر کلراج مشرا گزشتہ مودی حکومت میں متوسط صنعت کے وزیر رہ چکے ہیں لیکن اس مرتبہ انہوں نے لوک سبھا انتخابات میں حصہ نہیں لیا تھا۔
واضح رہےکہ سال 2014 کے لوک سبھا انتخابات میں اترپردیش کے دیوریاحلقہ سے منتخب ہوئے تھے۔اس سے پہلے وہ راجیہ سبھا کے رکن اور اترپردیش اسمبلی کے رکن اور ریاست میں کابینہ سکریٹری بھی رہے ہیں۔