سولن: جھڑی والا پل پر کار حادثے میں 3 نوجوان ہلاک، 2 زخمی

ہماچل پردیش کے سولن ضلع میں واقع نالہ گڑھ سوارگھاٹ روڈ پر پیش آئے ایک کار حادثے میں تین نوجوانوں کی موت ہو گئی، جب کہ دو نوجوان شدید طور سے زخمی ہوگئے۔ زخمی نوجوانوں کو مقامی لوگوں کی مدد سے نالہ گڑھ اسپتال پہنچایا گیا۔

ہماچل پردیش کے سولن ضلع میں واقع نالہ گڑھ سوارگھاٹ روڈ پر ایک کار بے قابو ہوکر پل سے نیچے گر گئی۔ کار میں دہلی میں رہنے والے پانچ افراد سوار تھے۔ حادثے میں تین نوجوانوں نے موقع پر دم توڑ دیا۔ جب کہ دو نوجوان شدید زخمی ہوگئے۔

پل سے مقامی لوگوں کی مدد سے نالہ گڑھ اسپتال پہنچایا گیا، جہاں ایک نوجوان کی حالت تشویشناک ہونے کی وجہ سے پی جی آئی ریفر کردیا گیا ہے۔ جب کہ ایک نوجوان کا علاج نالہ گڑھ اسپتال میں کیا جا رہا ہے۔

اس حادثے کے بارے میں جانکاری دیتے ہوئے نال گڑھ اسپتال کے ڈاکٹر ڈکشت نے بتایا کہ پانچوں نوجوان نئے سال کا جشن منانے کے بعد منالی سے دہلی واپس جارہے تھے۔

اسی دوران جھڑی والا کے قریب ان کی گاڑی بے قابو ہوکر پل سے نیچے گر گئی۔ حادثے کے بعد کچھ مقامی لوگوں کی مدد سے ان نوجوانوں کو نالا گڑھ اسپتال پہنچایا گیا۔

حادثے میں تین نوجوانوں کی موقع پر ہی موت ہو گئی اور دو نوجوانوں کو تشویشناک حالت میں اسپتال لایا گیا، جن میں سے ایک نوجوان کی حالت زیادہ خراب ہونے کی وجہ سے پی جی آئی ٹراما سینٹر ریفر کردیا گیا ہے۔

فی الحال، ڈاکٹروں نے نالہ گڑھ پولیس کو اس حادثے سے آگاہ کر دیا ہے۔ نالا گڑھ پولیس نے معاملہ درج کر کے تفتیش شروع کردی ہے۔