ریاست ہریانہ کے ضلع نوح میں کھیتوں کی آبپاشی کے لیے آخر کار نہروں میں پانی چھوڑ دیا گیا ہے۔ پانی کے چھوڑے جانے کے بعد کانگریس رہنما چودھری مہتاب احمد معائنہ کرنے کےلئے انڈری بلاک پہنچے۔
میوات: وزیر اعلیٰ سے ملاقات کے بعد نہروں میں پانی چھوڑا گیا نوح کے میوات میں کھیتوں کی آبپاشی کے لیے پانی کی شدید قلت محسوس کی جا رہی تھی۔
فصلیں سوکھنے لگی تھیں۔ حالانکہ اب تھوڑی بارش ضرور ہوئی ہے جس سے کسانوں نے راحت کی سانس لی ہے۔
یہ بھی پڑھیں: کورونا وائرس کی صورتحال کے جائزے کے لیے ہر ماہ سروے
میوات کے تینوں اراکین اسمبلی سے میوات کی عوام مسلسل پانی کا مطالبہ کر رہی تھی۔ ذرائع کے مطابق آخرکار کل دیر شام تینوں اراکین اسمبلی نے وزیر اعلی منوہر لال کھٹر سے ملاقات کی اور پانی کا بندوبست کرنے کا مطالبہ کیا۔
اس سلسلے میں کانگریس رہنما چودھری مہتاب احمد نے کہا کہ امید کی جانی چاہیے کہ ضروری مقدار میں پانی کی فراہمی کی جائے گی۔ تاکہ میوات کے کسانوں کو راحت مل سکے۔
