یمنا نگر: بی ایس این ایل ٹاور گرنے سے ٹریفک متاثر

ضلع یمنا نگر کے وشنو نگر علاقے میں تیز ہواؤں کے سبب بی ایس این ایل کمپنی کا موبائل ٹاور سڑک پر گر گیا۔

ریاست ہریانہ کے ضلع یمنا نگر میں جگادھری ورکشاپ کے قریب وشنو نگر میں تیز ہواؤں کے سبب بی ایس این ایل کمپنی کا موبائل ٹاور اور بجلی کا ٹرانسفارمر سڑک پر گر گیا۔

موبائل ٹاور سڑک پر گرنے کے باعث دونوں اطراف کی ٹریفک مکمل طور پر رک گئی۔ خوش قسمتی سے اس حادثے کے دوران کوئی جانی نقصان نہیں ہوا۔

وہیں بی ایس این ایل عہدیدار نے بتایا کہ 'جیسے ہی ہمیں یہ اطلاع ملی، ہم موقع پر پہنچ گئے۔ انہوں نے بتایا کہ 'جلد ہی ٹاور کو سڑک سے ہٹاکر ایک طرف منتقل کردیا جائے گا۔'