بچیاں تالاب میں ڈوبنے سے ہلاک

ہریانہ کے گاؤں ریواسن میں تین بچیوں کی تالاب میں ڈوبنے سے موت ہو گئی۔ اس واقعے کے بعد گاؤں میں ماتم کا ماحول ہے۔

ریاست ہریانہ کے ضلع نوح کے گاؤں ریواسن میں تالاب میں ڈوبنے سے 3 بچیوں کی موت ہو گئی۔ گاؤں ریواسن میں ماتم کا ماحول ہے۔ اطلاعات کے مطابق تالاب کنارے ڈیڑھ برس کی بچی اچانک کھیلتے ہوئے تالاب میں گر گئی۔ اسے بچانے کے لیے آٹھ برس کی ارونا بنت ارشد نام کی بچی تالاب میں کود گئی تالاب گہرا ہونے کی وجہ سے وہ بھی ڈوبنے لگی۔

اسے بچانے کے لیے آٹھ برس کی سٌبینا بنت شیر محمد بھی تالاب میں کود گئی لیکن بد قسمتی سے وہ بھی ان کی جان بچانے کی کوشش میں اپنی جان گنوا دی۔ بعد میں دیگر لڑکیوں نے گاؤں والوں کو حادثے کی خبر دی جس کے فورا بعد گاؤں والوں نے سبھی بچیوں کو مردہ حالت میں تالاب سے نکالا۔

ایک ہی خاندان میں تین بچیوں کی موت سے اچانک ماتم چھا گیا۔ یہ حادثہ قریب شام چار بجے کا ہے۔ پولس کو اطلاع ملنے کے بعد روزکا میو چوکی انچارج چندرپال و ان کی ٹیم ریواسن پہنچی۔ نوح سی ایچ سی میں پوسٹ مارٹم کر تینوں بچیوں کو گھر والوں کو سونپ دیا گیا۔


: