ایجوکیشن افسر کی مدت کار میں توسیع کا مطالبہ

بھارتی ریاست ہریانہ کے ضلع نوح میں ٹیچرز یونین نے اپنے مطالبات کو لیکر مقامی رکن اسمبلی چودھری ذاکر حسین سے ملاقات کی۔

یونین نے رکن اسمبلی سے گزارش کی کہ ضلع نوح کے تعلیمی معیار کو بلند کرنے میں ضلع تعلیمی افسر دنیش شاستری کا خاص کردار ہے لیکن فکر کی بات یہ ہے کہ آئندہ 30 اپریل کو ان کی خدمات کی مدت مکمل ہو رہی ہے۔

یونین نے ضلع تعلیمی افسر کی مدت کار میں دو برس کی توسیع کرنے کا مطالبہ کیا تاکہ میوات مں جو تعلیمی رفتار ہے، وہ جاری رہ سکے۔

رکن اسمبلی چودھری ذاکر حسین نے اس معاملے پر سنجیدگی کا مظاہرہ کیا اور کئی اعلی افسران سے اس تعلق سے بات کی۔

اساتذہ کے اس وفد میں نیشنل ٹیچر ایوراڈ یافتہ ماسٹر بشیرالدین، حشمت خان صدر یونین، رمیش چندینی، اسٹیٹ ٹیچر ایوراڈ یافتہ ماسٹر شفیع محمد، ذاکر حسین، ناظم آزاد،کسم میڈم، محمد ارشد سمیت کئی درجن اساتذہ شامل تھے۔