گوروگرام میں مشتعل بیان دینے والا رام بھکت گرفتار

ہریانہ کے گروگرام میں مہا پنچایت کے دوران مشتعل بیان دینے والے رام بھکت کو پولیس نے گرفتار کر جیل بھیج دیا ہے۔

ہریانہ کے پٹودی میں چار جولائی کو ہوئی مہا پنچایت میں مشتعل بیان دینے والے ہندو انتہا پسند کارکن گوپال شرما عرف رام بھکت گوپال کو گوروگرام پولیس نے گرفتار کر جیل بھیج دیا ہے۔

رام بھکت کے خلاف پٹڈوی تھانے میں اکثریتی طبقے کے ایک کاروباری نے ان کے خلاف مشتعل بیان دینے کی شکایت کی تھی۔ جس کے بعد آئی پی سی کی دفعہ 153اے اور 295 اے کے تحت مقدمہ درج کیا گیا ۔ جس کے بعد پولیس نے جیل بھیج دیا ہے۔

گوپال شرما اس سے قبل سی اے اے کے خلاف احتجاج کررہے جامعہ ملیہ اسلامیہ کے طالب علموں پر گولی چلایا تھا۔ جس میں ایک طالب علم کو گولی لگی تھی اور وہ زخمی ہوگیا تھا۔ اس معاملے میں اس کے خلاف دفعہ 307 (قتل کی کوشش) کا مقدمہ درج کیا گیا تھا۔ وہ اس وقت نابالغ تھا اس لئے انہیں بال سدھار گھر بھیج دیا گیا تھا۔