رام رحیم کی پیرول کی عرضی خارج

پنجاب اور ہریانہ ہائی کورٹ نے رام رحیم کی پیرول کی عرضی کو خارج کردیا ہے۔یہ عرضی رام رحیم کی بیوی ہرجیت کور نے لگائی تھی۔

ڈیرا سچا سودا کے سربراہ رام رحیم انسان کی بیوی نے رام رحیم کی ماں نصیب کور کی طبیعت خراب کا حوالہ دے کر اس کی پیرول کی عرضی دی تھی۔
پیرول میں کہا گیا تھا کہ اس کی ساس نصیب کور کو دل کا دورہ پڑا تھا۔اس لیے ان کی انجیوگرافی بھی ہونی ہے، لیکن نصیب کور کی ضد ہے کہ وہ اپنے بیٹے کی موجودگی میں ہی علاج کرائیں گی۔

رام رحیم کی پیرول کی عرضی خارج

اطلاعات کے مطابق عرضی داخل کرنے کے بعد ضلع سرسا کی ڈی سی کی ہدایت پر سول اسپتال کے سی ایم او کی قیادت میں نصیب کور کی میڈیکل جانچ کی گئی۔

جس کے بعد سی ایم او نے اپنی یہ رپورٹ ڈی سی کو سپرد کردی۔ڈی سی کی نے اس رپورٹ کو پنجاب اور ہریانہ ہائی کورٹ کے حوالے کردی تھی جہاں کورٹ نے ان کی عرضی کو خارج کردیا۔کورٹ نے کہا کہ ابھی رام رحیم زندہ ہیں اور وہ خود اپنی پیرول کی عرضی داخل کرسکتےہیں۔پیرول کے لیے رام رحیم کو کسی کی ضرورت نہیں ہے۔