ہریانہ میں اسمبلی انتخاب کو لے کر تیاریاں زوروں پر

جن آشررواد ریلی کے بعد اب کانگریس پارٹی کے رہنما بھی حرکت میں آگئے ہیں۔ فیروز پور جھرکا اسمبلی حلقے سے کانگریس کے امیدوار مامن خان انجینئر نے اپنے حامیوں کو لے کر جلسے کا انعقاد کیا۔

اس موقع پر مامن خان انجینئر نے عوام کو خطاب کرتے ہوئے کہا کہ میوات کے لوگوں کو بجلی، پانی، تعلیم، صحت اور روزگار کے سہولیات فراہم کرنا ان کی پہلی ترجیح ہوگی۔

میوات کے لوگوں نے ہمیشہ میوات کے رہنماؤں کا ساتھ دیا ہے لیکن میوات کے رہنماؤں نے انتخاب جیت کر کبھی بھی عوام کی خبر گیری نہیں کی۔

مامن خان نے موجودہ ممبر اسمبلی نسیم احمد پر نکتہ چینی کرتے ہوئے کہا کہ آج وہ عوام کے درمیان جا کر بی جے پی کی تعریفیں کر رہے ہیں جو کبھی چند دنوں قبل بی جے پی پر تنقید کرتے ہوئے نظر آتے تھے۔

اس موقع پر انہوں نے آئندہ 15 ستمبر کو بڑکلی چوک پر مہا ریلی کا بھی اعلان کیا۔
آپ کو بتا دیں کہ گذشتہ انتخابات میں مامن خان انجینئر موجودہ رکن اسمبلی نسیم احمد سے ہارے تھے لیکن وہ اس مرتبہ بھی اپنے مخالفین کے لیے سب سے بڑا چیلنج ہیں۔

آج کے کارکن اجلاس میں فیروز پور جھرکہ اسمبلی سے کئی درجن سرپنچوں نے مامن خان انجینئر کی حمایت کا پر زور اعلان کیا۔