ہریانہ کے نائب وزیر اعلی دشینت چوٹالہ جن کے پاس محنت اور روزگار محکمہ کا چارج بھی ہے، نے بتایا کہ حکومت کی ترجیح ہے کہ ایم ایس ایم ای 11 مئی سے سو فیصد اپنے پہلے جیسی عام حالت کی طرح پیداوار شروع کریں۔
ہریانہ: 30800 ایم ایس ایم ای کو دوبارہ شروع کرنے کی اجازت
ریاست ہریانہ کے نائب وزیر اعلی دشینت چوٹالہ نے کہا ہے کہ ملک بھر میں لاک ڈاؤن کے سبب ریاست میں بند پڑے مائیکرو، چھوٹے اور درمیانی صنعتوں (ایم ایس ایم ای) کو مرحلہ وار طریقے سے دوبارہ کام کرنے کے لیے مرکزی وزارت داخلہ کی رہنما ہدایات کے مطابق اب ایسے 30800 صنعتوں کو چلانے کی اجازت فراہم کی ہے جس سے تقریبا 13 لاکھ 12 ہزار 500 مزدور کام پر لوٹے ہیں۔
ہریانہ میں 30800 ایم ایس ایم ای کو دوبارہ شروع کرنے کی اجازت
انہوں نے بتایا کہ تمام مزدوروں کو اپنے موبائل پرآروگیہ سیتو ایپ ڈاؤن لوڈ کرنا اور سوشل ڈسٹیسنگ پر عمل کرنا، ماسک، سینٹائزیشن اور لاک ڈاؤن کے دیگر قوانین پر عمل کرنا لازمی کیا گیا ہے۔ انہوں نے بتایا کہ انجینئرنگ کے کام والے صنعتوں کو بھی جلد ہی کھولنے کی اجازت دی جائے گی۔
انہوں نے کہا کہ ایم ایس ایم ای صنعت کار لاک ڈاؤن مدت کے دوران اپنے مزدوروں کی تنخواہ دیتے رہیں، جس کے لیے حکومت نے 20000 روپے فی ورکرز کی شرح سے بینک قرض کے ورکنگ کیپٹل پر چھ ماہ تک سود رقم خود برداشت کرنے کا اہم فیصلہ کیا ہے۔