ایودھیا فیصلہ کے بعد میوات میں مکمل امن

نو نومبر کو سپریم کورٹ نے رام مندر بابری مسجد معاملے میں فیصلہ سنا دیا جس کے بعد ریاست ہریانہ کے ضلع نوح (میوات) میں دفعہ 144 نافذ کر دیا گیا تھا۔

علاقہ کے حالات پُرامن رہیں اس کے لئے سخت سیکیورٹی کا بندوبست کیا گیا اور انٹرنیٹ خدمات بھی معطل کر دی گئیں تھی۔

فیصلہ مندر کے حق میں آیا لیکن میوات کی عوام نے ہمیشہ کی طرح مکمل امن کا مظاہرہ کیا اور معمول کے مطابق بازار کھلے رہے۔

فیروز پور خھرکا نوح کے ایس ڈی ایم ریگن کمار نے ای ٹی وی بھارت کو بتایا کہ 'علاقہ کے معزز لوگوں نے پہلے ہی علاقہ میں ہم آہنگی کو استوار کرنا شروع کر دیا تھا۔علاقہ میں کسی بھی طرح کوئی پریشانی کی بات نہیں ہے۔'