ہولیکا جلانے کی آگ میں شرابی کے کودنے سے موت

ہولی کے دن روایتی ہولیکا جلانے کی آگ میں کودنے سے ایک مبینہ شرابی ہلاک ہوگیا۔

پولیس نے بتایا کہ یہ واقعہ ہریانہ کے کیتھل ضلع کے پیلانی گاؤں میں پیش آیا۔ دیوی دت نامی نوجوان ، جو شاید نشے میں تھا ، اس وقت آگ میں کود پڑا ، جب لوگ ’ہولیکا دہن ‘کے بعد گھر چلےگئے تھے۔ کچھ بچوں نے یہ دیکھا اور شور مچایا ، اور دیہاتی آئے اور اسے آگ سے باہر نکالا لیکن وہ بری طرح جھلس گیا۔ اسے فوری طور پر سول اسپتال پہنچایا گیا جہاں سے انہیں پی جی آئی ، چندی گڑھ ریفر کردیا گیا۔ نوجوان وہیں دم توڑ گیا۔

پولیس تھانہ انچارج بیربھن نے بتایا کہ موت سے پہلے کے بیان میں دیوی دت نے کہا ہے کہ وہ دیکھنا چاہتا ہے کہ آیا وہ آگ میں جل سکتا ہے یا نہیں۔