نوح: دس دن بعد کورونا وائرس کا نیا کیس ملا

ہریانہ کے ضلع نوح (میوات) میں دس دن کے بعد کورونا وائرس کا نیا کیس سامنے آیا ہے۔ محکمہ صحت کی طرف سے جاری تازہ اعداد و شمار کے مطابق کورونا وائرس کے ضلع میں کل مریضوں کی تعداد 66 ہوگئی ہے حالانکہ اچھی بات یہ ہے کہ ان میں سے 65 مریض صحتیاب ہو کر اپنے اپنے گھروں کو لوٹ چکے ہیں۔

ریاست ہریانہ کے ضلع نوح میں جو آج نیا کیس آیا ہے صرف وہی ایکٹیو کیس ہے۔ غور طلب ہے کہ نوح میں گزشتہ دس دنوں سے کوئی نیا مثبت کیس نہیں آیا تھا۔ جس سے علاقہ میں کافی خوشی محسوس کی جا رہی تھی اور ضلع انتظامیہ کی طرف سے لاک ڈاؤن میں کافی ڈھیل دے دی گئی تھی۔ لیکن اس کیس کے آنے کے بعد ضلع انتظامیہ علاقہ میں پھر سے سختی کرسکتی ہے۔

کورونا وائرس کا ایک اور مثبت مریض ملا

نوح ضلع میں اب تک 4706 سیمپل لیے گئے ہیں جن میں سے 4540 کی رپورٹ منفی آئی ہے۔ ابھی 99 افراد کا کورونا رپورٹ آنے والا ہے۔