سڑک کی مرمت کے لیے ٹینڈر جاری، ای ٹی وی بھارت کی خبر کا اثر

بھارتی ریاست ہریانہ کے ضلع میں گوہانہ سے شکراوہ اور شکراوہ سے پنہانہ تک کئی برس سے خستہ حال سڑک کی مرمت جلد ہی کی جا سکتی ہے۔

محکمہ پی ڈبلیو ڈی نے قریب 30 کلومیٹر طویل سڑک کا ٹینڈر بھی نکال دیا ہے اور جلد ہی الاٹمنٹ کے بعد کام شروع ہو سکتا ہے۔

چند روز پہلے گوہانہ سے پنہانہ سڑک کی خستہ حالی کے حوالے سے ای ٹی وی بھارت نے خصوصی کوریج کیا تھا۔

ای ٹی وی بھارت نے شکراوہ میں آٹھ برس سے تقریبا تباہ ہو چکے، اس سڑک کے متنازع حصہ کے حوالے سے بھی خبر شائع کی تھی جس کے بعد محکمہ آبپاشی کی زمین پر متبادل سڑک کی منصوبہ بندی کی گئی تاکہ عوام کو راحت دی جا سکے۔

ذرائع کے مطابق مرکزی وزیر راؤ نربیر نے اس تجویز پر غور کرنے کی ہدایت محکمہ کو دی ہے۔

محکمہ پی ڈبلیو ڈی کے ضلع افسر جگ بھوشن شرما نے بتایا کہ جلد ہی سڑک کی مرمت کا کام شروع کر دیا جائے گا۔

اس کے علاوہ متنازع حصہ کے تعلق سے ایک متبادل سڑک کی تجویز بھی حکومت کو بھیج دی ہے۔

لہذا اگر اس سڑک کی مرمت ہو جاتی ہے تو عوام کو کافی راحت مل سکتی ہے۔