میوات کے شہریوں نے وزیراعلیٰ کے فیصلہ کے خلاف سوشل میڈیا پر بھی اپنی شدید ناراضگی ظاہر کی ہے۔
میوات وکاس سبھا کے سابق نائب صدر رشید احمد ایڈوکیٹ نے کہا کہ ضلع کے کے لوگوں کو اچھے اسکول، کالج اور یونیورسٹیز کی ضرورت ہے۔ انہوں نے کہا کہ بی جے پی حکومت عوام کو دھوکہ دے رہی ہے۔
رشید احمد نے سوال کہا کہ ’یہاں تعلیم کے معیار کو بلند کرنے کے بجائے بٹالین کیمپ قائم کیا جارہا ہے۔ انہوں نے کہا کہ اس معاملہ میں قانونی رائے حاصل کی جارہی ہے جس کے بعد مناسب کاروائی کی جائے گی۔
قبل ازیں کانگریس کے تین ارکان اسمبلی نے بھی میوان میں آئی آر بی بٹالین قائم کرنے کی مخالفت کی تھی۔
منوہر لال کھٹر نے کچھ روز قبل میوات میں پریس کانفرنس سے خطاب کرتے ہوئے آئی آر بی بٹالین قائم کرنے کا اعلان کیا تھا۔