میوات: میڈیکل کیمپ کا انعقاد

ریاست ہریانہ کے ضلع نوح کے میوات میں ضلع ریڈ کراس سوسائیٹی کی جانب سے ایک کیمپ کا انعقاد کیا گیا، جس میں بلڈ ڈونیشن کیمپ، طبی کیمپ اور غرباء کے لیے مفت کمبل تقسیم کئے گئے۔

اس پروگرام میں ہسپتال ویلفیئر کمیٹی کی چیئرپرسن ڈاکٹر مونیکا یادو نے بطور مہمان خصوصی شرکت کی۔

اس دوران ڈاکٹر مونیکا یادو کے ہاتھوں خون عطیہ کرنے والے افراد کو اعزاز سے نوازا۔

ضلع ریڈ کراس سوسائٹی کے نو منتخب چیئرمن مہیش گپتا نے کہا کہ 'ہم کوشش کر رہے ہیں کہ میوات میں صحت کی خدمات بہتر ہوں اور خون عطیہ کرنے میں لوگ دلچسپی لیں اور آئندہ بھی اس طرح کے کیمپ کا سلسلہ جاری رہے گا۔

ڈاکٹر مونیکا یادو نے خواتین سے اپیل کرتے ہوئے کہا کہ 'اچھی غذا کا استعمال کریں کیونکہ ماں صحت مند ہوگی تب ہی بچہ صحت مند ہوگا۔

انہوں نے میوات کی خواتین کو ہونے والی پریشانیوں کے تعلق سے تشویش کا اظہار کیا اور خصوصی ہدایات دی۔