میوات انجینئرنگ کالج کےلیے ریاستی وزیر کے اعلانات

ریاست ہریانہ میں میوات انجینئرنگ کالج کے افتتاحی اجلاس میں ریاستی وزیر وپل گوئل نے شرکت کی۔

افتتاحی اجلاس سے وقف بورڈ کے اڈمنسٹریٹر ڈاکٹر حنیف قریشی نے خطاب کیا۔

خطاب کے دوران حنیف قریشی نے ریاستی وزیر وپل گوئل سے کچھ مطالبات بھی کئے۔ اس موقع پر کئے گئے مطالبات کو وپل گوئل نے فوری طور پر حل کرنے کا اعلان کیا۔ انہوں نے ایک ڈیجیٹل لائبریری، کامن روم، ماڈرن جمنازیم اور طالبات کیلئے ہاسٹل کی مانگ کے مطالبہ کو منظور کرلیا اور فوری طور پر اس سلسلہ میں کاروائی کرنے کا وعدہ کیا۔ وپل گوئل نے اپنے نجی فنڈ 13 لاکھ سے ڈیجیٹل لائبریری اور پانچ لاکھ سے کامن روم تعمیر کرنے کا بھی اعلان کیا۔ انہوں نے کھیل کود کی سرگرمیوں کیلئے 22 لاکھ اور طالبات کے لیے ہاسٹل کی تعمیر کےلیے حکومت سے فنڈ منظور کرانے کی یقین دہانی کرائی۔