میوات میں کسانوں کی تائید میں زبردست احتجاج

زرعی قوانیں کے خلاف ملک بھر میں کسانوں کا احتجاج جاری ہے۔ آج میوات کے کسانوں نے بھی احتجاج کی تائید میں سڑکوں پر اترآئے۔

کسان تنظیموں کی جانب سے آج بھارت بند منایا گیا وہیں ہریانہ کے میوات میں بھی بھادس گاؤں قومی شاہراہ پر میوات وکاس سبھا کی جانب سے راستہ روکو احتجاج کیا گیا جسے پولیس نے ختم کردیا۔ پولس نے کسانوں کو منتشر کردیا اور اعلیٰ عہدیدار وہاں پہنچ گئے۔

اس موقع پر کسان رہنما رمضان چودھری نے بتایا کہ میوات کا کسان بھی ملک کے کسانوں کے ساتھ کھڑا ہے۔ متحدہ کسان تنظیموں کی جانب سے آج بھارت بند منایا گیا جبکہ میوات میں بھی اس کا اثر دیکھا گیا۔

میوات وکاس سبھا کے صدر سلام الدین ایڈوکیٹ نے ای ٹی وی بھارت کو بتایا کہ میوات کے کسان بھی دہلی احتجاج میں شامل ہونا چاہتے ہیں لیکن پولیس کی جانب سے انہیں روکا جارہا ہے۔ گزشتہ 26 نومبر کو پولس نے متعدد کسانوں کو گرفتار بھی کیا تھا۔ انہوں نے نئے زرعی قوانیں کو فوری منسوخ کرنے کا مطالبہ کیا۔

میوات وکاس سبھا کے سرپرست صدیق احمد نے کہا کہ ہم احتجاج میں شامل ہیں لیکن حکومت کی پولیس کی مدد سے ہمارے احتجاج کو دبانے کی کوش کر رہی ہے۔ انہوں نے راجستھان سے آ رہے کسانوں کو ہریانہ کے میوات سرحد پر پولس کی جانب سے روکے جانے کی مذمت کی۔