آج ہریانہ کے نائب وزیر اعلیٰ دشینت چوٹالہ نوح ضلع کے بڑکلی چوک پر کسان ریلی کو خطاب کرنے پہنچے تھے جہاں پر انہوں نے اپنے خطاب میں میوات کے کچھ دیرینہ مطالبات کے حوالے سے ذکر بھی کیا۔ کئی وعدے بھی کئے اور کئی مطالبات کو نظر انداز کر گئے۔
یوں دشینت چوٹالہ کی ریلی میں عوام کی طرف سے مخالفت بھی نظر آئی۔ جب نائب وزیراعلیٰ دشینت چوٹالہ کسان ریلی میں عوام کے جم غفیر کو خطاب کر رہے تھے۔ اسی دوران خطاب پورا ہونے سے پہلے ہی عوام اٹھ کر جانے لگی، جس سے وزیراعلیٰ دشینت چوٹالہ کو اپنا خطاب آناً فاناً میں پورا کرنا پڑا اور خطاب پورا ہوتے ہی میوات کے نوجوانوں نے یونیورسٹی- یونیورسٹی کے نعرے لگانے شروع کر دیے۔
وہیں نائب وزیر اعلی نے اس نعرے بازی کو بھی نظر انداز کر دیا اور میڈیا سے بات چیت کے دوران بھی نوجوانوں کے اس مطالبہ پر کوئی بات نہیں رکھی۔