بھارتی فضائیہ کے ہیلی کاپٹر کی سونی پت میں ایمرجنسی لینڈنگ

بھارتی فضائیہ کے ہیلی کاپٹر نے آج کچھ تکنیکی خرابی کے بعد سونی پت کے جی پی ایکسپریس وے پر ہنگامی لینڈنگ کی۔

آئی اے ایف کے ہیلی کاپٹر نے صبح تقریباً دس بجے یمنا پل سے متصل ایک سڑک پر ایمرجنسی لینڈنگ کی۔

تکنیکی خرابی کے بعد پائلٹ نے خطرہ کا الارم بجایا جس کے بعد ہنڈن ایئربیس کے عہدیدار اور ٹکنیشنز موقع پر پہنچ گئے۔

تقریباً دیڑھ گھنٹے میں ہیلی کاپٹر کی مرمت کی گئی اور اسے منزل پر جانے کے لیے گرین سنگل دے دیا گیا۔

اس حادثہ میں ابھی تک کسی جانی نقصان کی کوئی اطلاع نہیں ہے۔