ہریانہ: گائے اسمگلروں کا جان لیوا حملہ، متعدد زخمی

ریاست ہریانہ کے ضلع نوح کے گاؤں شاہپور ننگلی میں گائے اسمگلروں کے ذریعے ایک خاندان پر جان لیوا حملہ کرنے کا معاملہ سامنے آیا ہے۔

متاثرہ خاندان نے الزام لگایا کہ اسمگلروں نے لاٹھی ڈنڈوں سے خواتین سمیت ان کے خاندان پر بری طرح حملہ کیا ہے، اس واقعہ کا ویڈیو بھی سامنے آیا ہے۔

متاثرہ اشخاص (فجرو، شبیر، شاہ رخ اور یوسف) نے بتایا کہ 'وہ مویشیوں کو پالتے ہیں، ہر روز کی طرح کل رات بھی تقریباً 11 بجے انہوں نے اپنے مویشی ایک خالی پلاٹ میں باندھے ہوئے تھے کہ ننگلی گاؤں کے شکیل ولد حاکم عرف گلہڑ، عارف ولد جمعہ، اجّی عرف جمعہ، منـّو ولد الیاس، اقبال عرف بلا حسـّی ولد حیات اٹاوڑیا و دیگر ایک پِک اپ گاڑی لے کر وہاں آئے یہ تمام گائے اسمگلنگ کے ملزمین ہیں۔

متاثرہ خاندان نے الزام لگایا کہ 'انہوں نے جبراً ان کی گائیوں کو پک اپ گاڑی میں بھر کر لے جانے کی کوشش کی، جب ان کے خاندان نے اس کی مخالفت کی تو ملزمین نے ان کے پر جان لیوا حملہ کردیا۔

اس حملے میں تقریباً آدھے درجن لوگ بری طرح سے زخمی ہوگئے جنہیں کو پولس نے ہسپتال پہنچایا، بعد ازاں زخمیوں کو روہتک ریفر کر دیا گیا۔

متاثرہ خاندان نے پولیس ملزمین کو جلد سے جلد گرفتار کرنے کا مطالبہ کیا۔