Haryana Education Department ہریانہ محکمہ تعلیم کا انوکھا منصوبہ

ہریانہ کے محکمہ تعلیم نے بورڈ امتحان کے لیے ایک خصوصی منصوبہ تیار کیا ہے۔ محکمہ تعلیم نے منصوبہ بنایا ہے کہ صبح 4.30 بجے مندروں، مساجد اور گرودواروں سے اعلانات کرکے طلبہ کو اٹھایا جائے گا۔ تاکہ وہ پڑھائی کرکے اچھے نمبرات حاصل کرسکیں۔

چندی گڑھ: ہریانہ میں 10ویں اور 12ویں جماعت کے طلباء کو ہر صبح پڑھنے کے لیے مندر، مساجد اور گرودواروں سے اعلانات کے ذریعے نیند سے بیدار کیا جائے گا۔ بورڈ کے امتحانات میں بہتر کارکردگی کے لیے محکمہ تعلیم نے یہ نیا طریقہ نکالا ہے۔ طلباء کو صبح ساڑھے 4 بجے مذہبی مقامات سے اعلان کے ذریعے جگایا جائے گا اور ہر طالب علم کو صبح 5:15 بجے تک پڑھائی شروع کرنی ہوگی۔ Unique project of Haryana Education Department

اس دوران اساتذہ واٹس ایپ کے ذریعے اس بات کی نگرانی کریں گے کہ کون سا طالب علم ابھی تک بیدار ہوا ہے یا نہیں۔ محکمہ تعلیم کا کہنا ہے کہ اس منصوبہ کے تحت طلباء صبح ڈھائی سے تین گھنٹے تک پڑھائی کرسکیں گے۔ ابتدائی طور پر یہ اسکیم 10ویں اور 12ویں بورڈ کے طلبہ کے لیے بنائے گئے ہیں۔ خاص بات یہ ہے کہ اس بار دسویں اور بارہویں جماعت میں پڑھنے والے طلباء کو موسم سرما کی چھٹیاں نہیں ملیں گی۔ طلباء کی کلاسیں صبح 10 بجے سے دوپہر 2 بجے تک ہوں گی۔

محکمہ تعلیم (ہریانہ ایجوکیشن ڈیپارٹمنٹ) گاؤں کے پنچایت ممبران سے اپیل کرے گا کہ وہ پورے گاؤں میں صبح صادق تعلیم کا ماحول بنائیں۔ اس کے تحت صبح مذہبی مقامات سے اعلان کیا جائے گا۔ تاکہ طلباء اٹھ کر پڑھائی کرسکیں۔ اس سے طلباء کو روزانہ 2 سے 3 گھنٹے اضافی پڑھائی کرنے کا موقع ملے گا۔ محکمہ تعلیم کے مطابق اس سال ہریانہ بورڈ کے امتحانات کے لیے 10ویں جماعت میں 1.95 لاکھ اور 12ویں جماعت کے 1.75 لاکھ امیدوار شامل ہوں گے۔ Unique project of Haryana Education Department

واضح رہے کہ گزشتہ سال ہریانہ کے شہر حصار کے نورنانڈ سے تعلق رکھنے والی رشیتا نے ہریانہ بورڈ امتحان میں سوفیصد نمبروں سے کامیابی حاصل کی تھی۔ جس سے افراد خاندان اور علاقہ کے لوگوں میں خوشی اور مسرت کی لہر دوڑ گئی تھی۔ رشیتا نے جملہ 500 میں سے 500 نمبرات حاصل کیے۔ اس کے دوستوں میں اوما، کلپنا اور سشیل نارونڈ نے 499 نشانات سے ریاست میں دوسری پوزیشن حاصل کی۔