ہریانہ اسمبلی انتخابات میں اب کچھ ہی دن باقی رہ گئے ہیں، سیاسی رہنماؤں نے عوام کو اپنی طرف مائل کرنے کے لیے رات ودن ایک کردیا ہے۔
نوح اسمبلی سیٹ سے کانگریس امیدوار چودھری آفتاب احمد نے عوام سے رابطے کرکے بی جے پی سے ہوشیار رہنے کی اپیل کی ہے اور کہاہے کہ بی جے پی نے ملک اور ریاست کو بڑا نقصان پہنچایا ہے۔
انہوں نے علال پور،جے سنگھ پور ،کلنجر،کیراکااور بی بی پور میں انتخابی ریلی کو خطاب کیا۔
وہیں نوح میں چودھری آفتاب کے مدمقابل بی جے پی سے چودھری ذاکر حسین اور جن نائیک جنتا پارٹی سے طیب حسین گھاسیڑا نے الگ الگ مقامات پر عوام سے رابطہ کرکے ووٹ دینے کی اپیل کی۔
غورطلب ہے کہ 21 اکتوبر کو ہونے والے انتخاب کے لیے ہریانہ کے 90 سیٹوں پر ووٹ ڈالے جائیں گے، جس میں سبھی سیاسی پارٹیوں کے 1169 امیدوارمیدان میں ہیں۔ ان امیدواروں کا فیصلہ 24 اکتوبر کو ہوگا۔
بی جے پی نے ہریانہ میں 75 پلس کا ہدف رکھا ہے، تو وہیں کانگریس پارٹی ایک بار پھر حکومت میں واپسی کے لیے جی توڑ کوشش کر رہی ہے۔