حصار: زراعت بل کے خلاف کسانوں کا چکا جام

ریاست ہریانہ کے ضلع حصار میں کسانوں کی طرف سے زراعت بل کے خلاف احتجاج کیے جارہے ہیں اور کسانوں نے اس درمیان ریاست کے متعدد مقامات پر چکا جام کر رکھا ہے۔

زراعت بل کے خلاف مختلف کسان تنظیموں کے ہریانہ چکا جام کی اپیل پر کسانوں نے آج حصار میں گاؤں بالسمند میں حصار-بھادرا روڈ، گاؤں سرسود-بچپڑی میں حصار-چنڈی گڑھ روڈ، گاؤں میڑ میں دہلی قومی شاہراہ، گاؤں باس میں بھیوانی چنڈی گڑھ پر کئی گھنٹوں تک جام لگائے رکھا۔

حصار میں زراعت بل کے خلاف کسانوں کا احتجاج

ہندوستانی کسان سبھا کے ضلعی صدر ببلو سہراوت کی قیادت میں یہاں کے اور آس پاس کے علاقے کے گاؤں کے کسانوں نے راماین ٹول پلازا پر بڑی تعداد میں پہنچ کر مرکز اور ریاست کی بی جے پی کی قیادت والی حکومتوں کے خلاف جم کر نعرے بازی کی۔

اس دوران پولیس انتظامیہ پوری طرح مستعد تھے۔ اس دوران ہانسی سے اناج منڈی آڑھتی ایسوسی ایشن، سرو ویاپار منڈل جیسی تنظیموں سے جڑے آڑھتی، کاروباری بھی حمایت کے لیے پہنچے۔

کسان رہنماؤں نے کہا کہ جب تک ان کالے قانونوں کو واپس نہیں لیا جاتا تب تک کسانوں کی تحریک جاری رہے گی۔