الیکشن کمیشن کا شناختی کارڈ بنانے کے لیے خصوصی مہم

ریاست ہریانہ کے ضلع نوح میں ووٹنگ کے تناسب میں اضافے کے لیے الیکشن کمیشن خاص مہم چلا رہا ہے۔ یہ مہیم 30 جولائی تک چلے گی۔

الیکشن کمیشن کا کہنا ہے کہ جن افراد کی عمر ایک جنوری 2019 کو 18 سال ہوچکی ہے وہ اپنا ووٹ بنوا سکتے ہیں۔ اس خاص مہم کے دوران 27 اور 28 جولائی یعنی سنیچر اور اتوار کی تاریخوں میں بھی ووٹ بنانے کا عمل جاری رہے گا۔ بالخصوص ان دنوں کے اندر نئی ووٹ بنانے کے فارم کے علاوہ شکایات کی بنیاد پر ووٹر کارڈ میں ترمیم بھی کی جا سکیں گی۔

فائل فوٹو

اس مہم کے تحت ضلع کے ہر گاؤں کے اندر اعلان کرایا جا رہا ہے۔ووٹ بنانے کے عمل کو مکمل ہونے کے بعد فہرست 19 اگست کو جاری کی جائے گی۔ مذکورہ ہدایات چیف الیکشن کمیشن راجیو رنجن نے ویڈیو کانفرنس کے ذریعے ریاست ہریانہ کے ڈپٹی کمشنر کو دی۔انہوں نے کہا کہ اپنے اپنے ضلعوں میں سویپ ایکٹیویٹی کو جاری رکھیں، اسکول کالجوں میں جاکر اہل نوجوانوں کی ووٹ بنوائیں۔ اس کے علاوہ خصوصی کیمپ بھی لگا کر ووٹ بنانے کے متعلق بیدار کریں۔طلباء کو فارم کے ساتھ رہائشی سرٹیفکیٹ لگانے کی ضرورت نہیں ہے اس کے علاوہ متعلقہ ادارے کا انچارج تصدیق کر سکتا ہے۔ انہوں نے خاص ہدایت دی ہے کی متعلقہ بی ایل او گھر گھر جاکر سبھی اہل افراد کی ووٹ بنائیں تاکہ وہ بھی جمہوریت میں اپنی حصہ داری یقینی بنا سکیں۔