بچوں کے لیے والد کی خود سوزی کی کوشش

ریاست ہریانہ کے وزیراعلی منوہر لا ل کھٹر کی جن آشیرواد یاترا کے دوران راٹھ گھانا گاؤں میں ایک شخص نے خود کو آگ لگا کر خود سوزی کی کوشش کی۔

پولیس کے مطابق اس شخص کی شناخت راجیش کے طور پر کی گئی ہے۔
سنگین حالت میں اسے پی جی آئی روہتک ریفر کیا گیا ہے۔
لوگوں کا کہنا ہے کہ راجیش اپنے بیٹے کی گروپ ڈی میں نوکری نہ لگنے سے کافی پریشان تھا۔
راجیش کے خود کو آگ لگانے کے بعد اسے بچانے آئے تین لوگ بھی جھلس گئے۔
راجیش کا دعوی ہے کہ وہ بیٹوں کی نوکری کے سلسلے میں وزیراعلی سے ملا تھا اور اسے مبینہ طور پر یقین دہانی بھی کرائی گئی تھی لیکن جب نوکری نہیں ملی تو اس نے خودسوزی کرنے کا فیصلہ کیا۔ پولیس نے راجیش کے خلاف معاملہ درج کرلیا ہے۔